ក្រុងប៉ារីស: ក្រុមអ្នកវិទ្យាសាស្ដ្របាននិយាយកាលពីថ្ងៃពុធថា ពួកគេបានជីកកកាយបំណែកឆ្អឹងមនុស្សសម័យមុនម្នាក់អាយុកាល ១៦ ម៉ឺនឆ្នាំនៅតំបន់ភ្នំទីបេ។ នោះជាការរកឃើញដែលអាចជាចំណេះដឹងនៃការស្វែងយល់អំពីការរស់នៅទីដ៏សែនខ្ពស់របស់ពួកគេ។
សំណាកវិភាគ DNA លើឆ្អឹងថ្គាមមួយដែលប្រទះឃើញក្នុងល្អាងលើខ្ពង់រាបទីបេជាអម្បូរ Denisovans ត្រូវបានសន្និដ្ឋានថាជាពូជជាប់សែស្រឡាយនឹងមនុស្សសម័យនេះ។
នេះជាលើកដំបូងដែលឆ្អឹងថ្គាម Denisovans ត្រូវបានរកឃើញនៅក្រៅល្អាងស៊ីបេរីដែលនាំឲ្យមានការសន្និដ្ឋានថាអម្បូរជាប់មនុស្សជាន់ដើមរស់នៅលើរយៈកម្ពស់ខ្ពស់តាំងរាប់ម៉ឺនឆ្នាំមុនការសន្និដ្ឋានកន្លងមក។
លោក Jean-Jacques Hublin នាយកនាយកដ្ឋានស្រាវជ្រាវការវិវត្ដនៃមនុស្សនៅវិទ្យាស្ថាន Max Planck បាននិយាយថា៖ «ក្នុងនាមជាមនុស្ស ទោះនៅសម័យណា ការរស់នៅលើខ្ពង់រាបនៃរយៈកម្ពស់ ៣ ៣០០ ម៉ែត្រលើនីវ៉ូទឹកសមុទ្ររហូតដល់ជាង ១៦ ម៉ឺនឆ្នាំមុន វាហាក់ដូចជាមិនទំនងអាចនឹកស្រមៃដល់»៕ HR
By www.postkhmer.com
No comments :
Post a Comment