ឈៀងម៉ៃ: ចម្លាក់ចំបើងដ៏អស្ចារ្យត្រូវបានរចនាឡើងក្នុងប្រទេសថៃ។ ចម្លាក់ទាំងនោះស្ថិតនៅភាគខាងជើងប្រទេសក្នុងខេត្ដឈៀងម៉ៃ។ ឈៀងម៉ៃមានន័យថា «ទីក្រុងថ្មី»។ ចម្លាក់ខ្លះមានជណ្ដើរឡើង និងមានកន្លែងអ្នកមកលេងឡើងឈរទុំថតសែលហ្វីពីក្នុងចម្លាក់គីងកុង។
ចម្លាក់សត្វដ៏ស្រស់ស្អាតទាំងនោះត្រៀមខ្លួនស្វាគមន៍រដូវសម្បូរភ្ញៀវប្រចាំតំបន់។ ការសង់ចម្លាក់នេះត្រូវបានធ្វើឡើងពីចំបើងចាស់ៗសល់ពីការប្រមូលផលស្រូវដោយដំឡើងជាមួយគ្រោងដែក។ កុមារ និងក្រុមគ្រួសារមកពីគ្រប់ទិសទីនាំគ្នាមកទស្សនាចម្លាក់សត្វជាច្រើនប្រភេទ។
ចម្លាក់គីងកុងចំបើងកម្ពស់ ៤ ម៉ែត្រជាភាពទាក់ទាញវិសេសមួយសម្រាប់ការថតរូបនៅតំបន់អេកូទេសចរណ៍ អាងទឹកធម្មជាតិហួយធួង តាវ។
កាលពីឆ្នាំមុនទាហានបានប្រែក្លាយដីស្រែ ៣,២ ហិកតាទៅកាន់តំបន់ទាក់ទាញភ្ញៀវទេសចរពេញនិយមដែលតភ្ជាប់ស្ពានស៊ូតុងប៉េ ២០០ ម៉ែត្រ ព្រមទាំងក្យូសឫស្សី និងកន្លែងបោះតង់សម្រាកសម្រាប់ភ្ញៀវស្នាក់នៅឆ្លងរាត្រី។
ស្ពានឫស្សីស៊ូតុងប៉េ គំរូដើម (មានន័យថាអ្នកបែរបន់ជោគជ័យ) លាតសន្ធឹងឆ្លងកាត់វាលស្រែ ៥០ ម៉ែត្រនៅឯជាយក្រុងម៉េហុងសន។ ស្ពានសង់ជាលើកទី ២ បានទទួលជោគជ័យក្នុងការទាក់ទាញភ្ញៀវមកលេងរមណីយដ្ឋាន អេកូទេសចរណ៍ អាងទឹកធម្មជាតិដែលរកចំណូលបាន ៦០ ម៉ឺនបាត (១៨០០០ ដុល្លារ) រយៈពេល ៣ ខែដំបូងក្រោយពីស្ពាននេះបានបើកស្វាគមន៍សាធារណៈជនចូលលេងកម្សាន្ដ។
ក្រុងយោធាមានបំណងអភិវឌ្ឍតំបន់នេះបន្ថែមទៀតឲ្យលើសពីគោលដៅថតរូបសែលហ្វីជាមួយចម្លាក់គីងកុងយក្សដែលស្ថិតនៅពីមុខវាលស្រែគំរូ។ ចម្លាក់គីងកុងភាគខាងជើងដំបូងដែលតំណាងឲ្យព្រៃ និងជីវជាតិត្រូវបានកសាងឡើងរយៈពេល ៦ ថ្ងៃដោយក្រុមការងារមកពីសាកលវិទ្យាល័យបច្ចេកវិទ្យាឦសាន រ៉ាចាម៉ានហ្គាឡា ជាមួយថវិការ ៧ ម៉ឺនបាត (២១០០ ដុល្លារ)។
អំឡុងពេលចូលឆ្នាំថ្មីប្រពៃណីថៃ រមណីយដ្ឋានអាងទឹកធម្មជាតិនេះរមែងទទួលភ្ញៀវប្រមាណ ១ ម៉ឺននាក់រៀងរាល់ឆ្នាំ៕ HR
By www.postkhmer.com
By www.postkhmer.com
No comments :
Post a Comment