ក្រុងម៉ិកស៊ីកូ: បទពិសោធគេងក្នុងធុងស្រាតិគីឡាធំៗសម្រាប់អប់ស្រាប្រពៃណីម៉ិកស៊ិកជាសេវាកម្មដ៏ចម្លែកមួយរបស់សណ្ឋាគារដែលប្រតិបត្ដិការក្នុងរោងចក្រផលិតស្រាមួយនៅទីក្រុងឈ្មោះស្រាតិគីឡានេះតែម្ដង។
ម្ចាស់សណ្ឋាគារ កាឡូស ហេណាន់ដេស ប្រាប់ AFP ថា៖ «សណ្ឋាគារ Matices, Hotel de Barricas គឺជាគំនិតច្នៃប្រឌិតដ៏ចម្លែកមួយក្នុងលោកមិនខុសពីតំបន់នានា ដូចជា ព័រទុយហ្គាល់ និងហូឡង់ដោយមានបន្ទប់ផ្ទះសង់ក្នុងធុងស្រាក្រហមយក្ស»។
សណ្ឋាគារដែលបើកដំណើរការ ១៨ ខែសង់ឡើងពីធុងស្រាយក្ស ៣៤ ប្រវែង ៧,២ ម៉ែត្រ អង្កត់ផ្ចិត ៤,៨ ម៉ែត្រស្ថិតនៅកណ្ដាលវាលនៃផ្ទៃដីជាង ២ ហិកតាអមដោយព្រៃព្រឹក្សានៃរុក្ខជាតិម៉ិកស៊ិកដែលជាគ្រឿងផ្សំផលិតស្រានេះតែម្ដង។
លោក ហេណាន់ដេស ដែលបង្កើតយីហោស្រាផ្ទាល់ខ្លួននៅភាគខាងលិចរដ្ឋចាលីស្កូ និយាយថា៖ «ជំនួសដោយការដាំសួនផ្កា វាជាសួនរុក្ខជាតិ អាហ្គេវ៉េស លោកអ្នកកំពុងស្ថិតក្នុងរោងចក្រស្រាតិគីឡា»។
លោកពន្យល់ថា គោលបំណងអប់ស្រាស ឬតិគីឡាខ្ចីក្នុងធុងឈើអូក ដើម្បីទទួលបាននូវពណ៌ និងរសជាតិឈ្ងុយឆ្ងាញ់ ខុសប្លែកពីស្រាដទៃ។
លោកថា៖ «ពេលនេះយើងចង់បញ្ជាក់នូវអ្វីដែលបានកើតឡើងថា បើយើងឲ្យភ្ញៀវមកសម្រាក ឬចំណាយពេលរាត្រីក្នុងធុងស្រា យើងរំពឹងថានឹងមានមនុស្សថ្មីចេញមក។ ជាមួយតិគីឡា យើងអាចធ្វើបាន»។
ចំពោះការតុបតែងរួមមាន គំនូរ គ្រឿងលម្អផ្សេងៗ និងសម្ភារទាក់ទងនឹងស្រាតិគីឡាព្រមទាំងនីតិវិធីនៃការបិត និងប្រវត្ដិរបស់វាផងដែរ។
សណ្ឋាគារបានផ្ដល់ឲ្យភ្ញៀវនូវបទពិសោធផលិតស្រាតិគីឡាផ្ទាល់ខ្លួនផងដែរ តាំងពីការកាត់រុក្ខជាតិរហូតដល់បិតជាស្រា។ អ្នកស្រី រ៉ាមីរ៉េស ប្រាប់ AFP ថា៖ «ដំណើរទស្សកិច្ចសណ្ឋាគាររោងចក្រតិគីឡា ពិតជាអស្ចារ្យណាស់»។
ក្រុងតិគីឡា មានប្រជាជនសរុបប្រមាណ ៤ ម៉ឺននាក់៕ HR
By www.postkhmer.com
By www.postkhmer.com
No comments :
Post a Comment