Wednesday, May 8, 2019
សមត្ថកិច្ចបន្តស្រាវជ្រាវការបាញ់សម្លាប់ ខណៈកាំភ្លើងចិនប្រើមិនទាន់ដឹងប្រភព
 |
| ជនជាតិចិន ២ នាក់ដែលប្រើកាំភ្លើងបាញ់សម្លាប់ជនជាតិចិនដូចគ្នាត្រូវសមត្ថកិច្ចចាប់ខ្លួន |
ដែលជនជាតិចិនយកមកប្រើបាញ់ប្រហារគ្នាបណ្តាលឲ្យស្លាប់មនុស្សនៅខេត្តព្រះសីហនុនោះទេ ប៉ុន្តែមន្ត្រីជំនាញកំពុងបន្តការស្រាវជ្រាវទៅលើករណីឃាតកម្មមួយនេះ ដែលបញ្ហានេះធ្វើឲ្យសង្គមស៊ីវិលព្រួយបារម្ភជុំវិញការប្រើប្រាស់កាំភ្លើងបែបអនាធិបតេយ្យ។
ប្រាប់ភ្នំពេញប៉ុស្តិ៍ តាមទូរស័ព្ទ ពីម្សិលមិញ លោក ឆាយ គឹមខឿន អ្នកនាំពាក្យអគ្គស្នងការនគរបាលជាតិបញ្ជាក់ថា សមត្ថកិច្ចគ្រប់គោលដៅខិតខំគ្រប់គ្រង និងប្រឹងប្រែងទប់ស្កាត់យ៉ាងខ្លាំងចំពោះការប្រើអាវុធជាតិផ្ទុះទូទាំងប្រទេសកម្ពុជា មិនមែនត្រឹមតែខេត្តព្រះសីហនុមួយប៉ុណ្ណោះទេ។
លោកថា៖ «យើងកំពុងត្រួតពិនិត្យនិងស៊ើបអង្កេតបន្ថែមទៀតថា តើពួកគេបានកាំភ្លើងហ្នឹងមកពីណា? មិនមែនយកពីខេត្តព្រះសីហនុ ឬយកចេញពីឃ្លាំងកងកម្លាំងប្រដាប់អាវុធយើងទេ។ អ៊ីចឹងយើងអត់ទាន់ដឹងថា កាំភ្លើងទាំងអស់ហ្នឹង គេយកមកពីណាឲ្យច្បាស់លាស់»។
លោកថ្លែងថា៖ «យើងបានដាក់ចេញវិធានការក្ដៅៗ ផែនការច្បាស់លាស់ណាស់ប៉ុន្ដែរឿងចេះតែកើតមាន ដោយមិនមែនរឿងមានតែខេត្តព្រះសីហនុមួយទេ»។
ការថ្លែងបែបនេះ ក្រោយពី មានករណីជនជាតិចិនបាញ់សម្លាប់គ្នា នៅសង្កាត់លេខ ៤ ក្រុងព្រះសីហនុ កាល ពីថ្ងៃទី ០៦ ខែ ឧសភា នៅក្នុងរថយន្ត ១ គ្រឿង ហើយរុញទម្លាក់សាកសពនៅកណ្តាលផ្លូវ ដោយមិនទាន់ដឹងពីមូលហេតុ។ ប៉ុន្ដែរយៈពេល ២ ម៉ោងក្រោយពីហេតុការណ៍ សមត្ថកិច្ចបានឃាត់ខ្លួនបុរសជាជនជាតិចិនចំនួន ២ នាក់ ដែលសង្ស័យជាប់ពាក់ព័ន្ធករណីនេះ ហើយមន្ត្រីជំនាញកំពុងតាមរកអ្នកពាក់ព័ន្ធមួយចំនួនទៀត។
លោក ជួន ណារិន្ទ ស្នងការនគរបាលខេត្តព្រះសីហនុ ម្សិលមិញបានថ្លែងដែរថា ខណៈនេះសមត្ថកិច្ចកំពុងសាកសួរជនសង្ស័យទាំង ២ នាក់ ដោយមិនទាន់ដឹងពីពេលវេលាត្រូវបញ្ជូនទៅតុលាការទេ ដើម្បីបន្តស្រាវជ្រាវរកបក្ខពួកបន្ថែម និងកំណត់មូលហេតុនៃការកើតទំនាស់ ហើយឈានដល់ការប្រើប្រាស់អាវុធនេះ។
លោកបន្តថា នៅខេត្តព្រះសីហនុ លោកបានដាក់ចេញនូវវិធានការក្ដៅ និងមានផែនការត្រួតពិនិត្យ ក៏ដូចជាការគ្រប់គ្រងអាវុធជាតិផ្ទុះបានយ៉ាងល្អ។ ការងារគ្រប់គ្រងអាវុធនេះ គឺទាល់តែសមត្ថកិច្ចឃាត់ខ្លួនជនដៃដល់បានទើបសមត្ថកិច្ចដឹងពីប្រភពអាវុធចេញពីប្រភពណា។
លោកបញ្ជាក់ថា៖ «ខ្ញុំគិតថា បញ្ហាសុវត្ថិភាពសន្ដិសុខនេះ គឺមិនមែនជារឿងកើតហើយបានយើងធ្វើទេ គឺយើងដាក់ចេញវិធានការទប់ស្កាត់ជាប្រចាំ ហើយអនុវត្តវិធានការ និងច្បាប់យ៉ាងតឹងរឹុងបំផុត។ ខ្ញុំក៏មានការសោកស្ដាយដែរ ដែលមានបញ្ហានេះ ព្រោះនេះបញ្ហាចន្លោះប្រហោង យើងត្រូវជំរុញបន្ថែមទៀត»។
លោក ស៊ឹង សែនករុណា អ្នកនាំពាក្យសមាគមការពារសិទ្ធិមនុស្សអាដហុកបានថ្លែងថា លោកមានការបារម្ភខ្លាំងចំពោះសន្ដិសុខសុវត្ថិភាពរបស់ប្រជាពលរដ្ឋនៅក្នុងខេត្តព្រះសីហនុ និងតំបន់ដទៃទៀត ដោយលោកចោទជាសំណួរថា នៅតាមព្រលានយន្តហោះនីមួយៗមានការត្រួតពិនិត្យតឹងរ៉ឹង ហេតុអ្វីបានជាពួកគេ អាចដាក់អាវុធតាមខ្លួនបាន? ឬមួយពួកគេមានការជួញដូរនៅក្នុងប្រទេសកម្ពុជាផ្ទាល់?
លោកថា៖ «ខ្ញុំជឿជាក់ថា បើសមត្ថកិច្ចឈ្លេចសួរពីប្រភពអាវុធទាំងអស់ គឺច្បាស់ជាឃើញឆាប់តែម្ដង ប៉ុន្ដែខ្ញុំខ្លាចតែពួកគាត់បានដឹងហើយ តែត្រូវជួយលាក់បាំងបន្ថែម ឬក៏មានជនមានអំណាច និងឥទ្ធិពលខ្លាំងនៅក្នុងជួរកងកម្លាំងប្រដាប់អាវុធកាងពីក្រោយ អាហ្នឹងខ្ញុំយល់ថា វាក៏នៅតែមានការលំបាកដដែល។ ដូច្នេះ គួរសម្អាតអ្នកនៅពីក្រោយខ្នងដែរ»។
លោក ករុណា បន្តថា ការស្វែងរកប្រភពនៃអាវុធហាក់ដូចជាមិនសូវមានការលំបាកទេ ប្រសិនបើមានការឃាត់ខ្លួនជនល្មើសដែលកាន់កាប់អាវុធនោះ សមត្ថកិច្ចអាចសួររកប្រភពនៃការផ្ដល់អាវុធ ឬអ្នកដែលជួញដូរ និងធ្វើអាជីវកម្មលើអាវុធទាំងនេះ ដើម្បីកំណត់អត្តសញ្ញាណ និងឈានទៅដល់ការចាប់ឃាត់ខ្លួនទៅតាមនីតិវិធីច្បាប់៕
Subscribe to:
Post Comments
(
Atom
)
No comments :
Post a Comment