Tuesday, May 7, 2019
ទីក្រុងវៃឆ្លាតបំផុតរបស់ប្រទេស ចិន នឹងដឹកនាំប្រទេសមហាអំណាចនេះលើផ្លូវកាន់តែរហ័ស ឆ្ពោះទៅរកសេដ្ឋកិច្ចឌីជីថល
ក្រុងហាងចូវៈ «អ្នកមិនចាំបាច់បារម្ភ ពីការចាប់ពង្រត់ទេ។ ប្រសិនបើខ្ញុំធ្វើដំណើរទៅទីកន្លែងណាមួយ ប្រសិនបើអ្នកបាត់ទំនាក់ទំនងជាមួយមិត្តភកិ្ដ និងគ្រួសារ នគរបាលនឹងស្វែងរកខ្ញុំក្នុងរយៈពេលដ៏ខ្លី»។ នេះជាការលើកឡើងរបស់អ្នករត់តាក់ស៊ីម្នាក់ក្នុងទីក្រុងហាងចូវ ប្រទេស ចិន។
លោក Zhang Daqiang (ឈ្មោះដាក់ឲ្យ) ដែលជាអ្នកបើកបរតាក់ស៊ីមកនៅទីក្រុងហាងចូវ (Hangzhou) ភាគខាងកើតខេត្តជឺជាំង (Zhejiang) ប្រទេស ចិន បាននិយាយលេងជាមួយអ្នកដំណើររបស់លោក ខណៈដែលរថយន្តរបស់លោកបានបើកបរនៅលើផ្លូវអាកាសមួយកន្លែង ជាទីដែលមានកាមេរ៉ាសុវត្ថិភាពជាប់បន្តកន្ទុយគ្នាពីទីតាំង ១ ទៅទីតាំង ១ ដើម្បីបង្កើតជាបណ្ដាញសន្ដិសុខដ៏ធំមួយ។
លោក Zhang ថ្លែងថា៖ «ដោយសារតែខួរក្បាល [មជ្ឈមណ្ឌលបញ្ជា] ទីក្រុងវៃឆ្លាតស្ថិតនៅទីនោះ។ វាមាននៅគ្រប់ទីកន្លែង»។
ដោយដាក់ឈ្មោះជាទីក្រុងវៃឆ្លាតបំផុតក្នុងប្រទេស ចិន ទីក្រុងហាងចូវជាទីក្រុងដំបូងគេរបស់ចិនដែលបង្កើត «ខួរក្បាលទីក្រុងវៃឆ្លាត» មួយ ហើយរំពឹងថានឹងដឹកនាំប្រទេសនេះឲ្យដើរទៅមុខយ៉ាងរហ័សខាងផ្នែកឌីជីថលនីយកម្ម។
ដោយដាក់ឈ្មោះជាទីក្រុងវៃឆ្លាតបំផុតក្នុងប្រទេស ចិន ទីក្រុងហាងចូវជាទីក្រុងដំបូងគេរបស់ចិនដែលបង្កើត «ខួរក្បាលទីក្រុងវៃឆ្លាត» មួយ ហើយរំពឹងថានឹងដឹកនាំប្រទេសនេះឲ្យដើរទៅមុខយ៉ាងរហ័សខាងផ្នែកឌីជីថលនីយកម្ម។
ទិសដៅកាន់តែធំមួយ
លោក Gao Xingfu អភិបាលរងខេត្តជឺជាំងបានប្រកាសក្នុងសន្និសីទសន្ដិសុខអ៊ីនធឺណិត West Lake Cybersecurity ក្នុងទីក្រុងហាងចូវ កាលពីចុងខែមេសាថា ខេត្តជឺជាំងសម្លឹងរកការបង្កើតមជ្ឈមណ្ឌលនវានុវត្តន៍វិទ្យាសាស្ដ្រឌីជីថលមួយ ដែលមានឥទ្ធិពលលំដាប់ពិភពលោក និងក្លាយជាមជ្ឈមណ្ឌលពាណិជ្ជកម្ម និងហិរញ្ញវត្ថុមួយជាមួយនឹងគំរូថ្មីៗ។ ខេត្តនេះក៏នឹងដឹកនាំប្រទេស ចិន ផងដែរខាងផ្នែកអភិវឌ្ឍន៍ឧស្សាហកម្មឌីជីថលជាមួយស្រុកគំរូចំនួន ២។
លោក Gao បានឲ្យដឹងថា តម្លៃទិន្នផលស្នូលនៃតម្លៃបន្ថែមរបស់សេដ្ឋកិច្ចឌីជីថលនៅខេត្តជឺជាំង បានកើនដល់ ៥៥៤,៨ ពាន់លានយន់កាលពីឆ្នាំមុន កើនឡើង ១៣,១ ភាគរយធៀបនឹងរយៈពេលដូចគ្នាកាលពីឆ្នាំ ២០១៧ ដែលស្មើនឹង ៩,៩ ភាគរយ នៃផលិតផលក្នុងស្រុកសរុប (GDP) របស់ខេត្តនេះ។ ទិន្នផលស្នូលរបស់សេដ្ឋកិច្ចឌីជីថល និងតម្លៃទិន្នផលរួម (integrated output value) រួមគ្នាបានកើនឡើងដល់ ៤០ ភាគរយនៃ GDP សរុប។ ត្រឹមឆ្នាំ ២០២២ តម្លៃបន្ថែមសរុបនៃសេដ្ឋកិច្ចឌីជីថលត្រូវបានរំពឹងថា នឹងកើនឡើងដល់ជាង ៥០ ភាគរយ។
គម្រោងខួរក្បាលទីក្រុងវៃឆ្លាតនេះ ត្រូវបានដាក់ឲ្យដំណើរការជាលើកដំបូងនៅទីក្រុងហាងចូវនៅឆ្នាំ ២០១៦ ដែលបានផ្ដល់ឲ្យទីក្រុងនេះនូវទិន្នន័យដ៏ធំ និងបញ្ញាសិប្បនិម្មិត (AI) ដើម្បីជួយសម្រួលការងារចរាចរណ៍ទីក្រុង និងសន្ដិសុខសាធារណៈ។
លោក Zhang ថ្លែងថា៖ «វាពិតជាមានប្រយោជន៍»។ លោកបន្តថា៖ «មានការកកស្ទះចរាចរណ៍កាន់តែច្រើនក្នុងទីក្រុងនេះកាលពីមុន។ នៅពេលនេះ ខួរក្បាលទីក្រុងវៃឆ្លាតនេះជួយបន្ធូរបន្ថយសម្ពាធលើដងផ្លូវ ដោយសារការបង្វែរលំហូរចរាចរណ៍»។
ដោយសារមជ្ឈមណ្ឌល AI ដែលបានបង្កើតឡើងដោយក្រុមហ៊ុន Alibaba ដែលផ្ដល់ការវិភាគពេលវេលាពិត (real-time analysis) អំពីភ្លើងសញ្ញាចរាចរណ៍នៅចំណុចប្រសព្វចំនួន ១២៨ ទីតាំង និងប្រើប្រាស់ឧបករណ៍សម្រាប់លំហូរចរាចរណ៍ដោយរលូន ពេលវេលារង់ចាំផ្លូវសញ្ញាចរាចរណ៍បានធ្លាក់ចុះ ១៥,៣ ភាគរយក្នុងតំបន់សាកល្បងដែលគ្របដណ្ដប់លើប្រជាជនជាង ៩ លាននាក់។ នៅលើផ្លូវអាកាស ពេលវេលាធ្វើដំណើរត្រូវបានកាត់បន្ថយ ៤,៦ នាទី។ ប្រព័ន្ធ AI នេះរាយការណ៍ពីភាពត្រឹមត្រូវបាន ៩២ ភាគរយលើរបាយការណ៍គ្រោះថ្នាក់ចរាចរណ៍ ដែលជួយបានយ៉ាងច្រើនក្នុងការកែលម្អប្រសិទ្ធភាពការងារសម្រាប់នគរបាលចរាចរណ៍។
ក្រុមហ៊ុន Dahua Technology ដែលផ្តល់សេវាកាមេរ៉ាសុវត្ថិភាពចរាចរណ៍បានឲ្យដឹងថា សម្រាប់ផ្នែកសន្ដិសុខសាធារណៈ គម្រោងទីក្រុងសុវត្ថិភាពរបស់ក្រុមហ៊ុននេះក្នុងសង្កាត់មួយរបស់ទីក្រុងហាងចូវ ក្នុងចន្លោះពីឆ្នាំ ២០១៥ ដល់ឆ្នាំ ២០១៨ បានធ្វើឲ្យមានលទ្ធផលជាផ្លែផ្កាជាច្រើន រួមទាំងកំណើនអត្រាបិទករណីបទឧក្រិដ្ឋអចលនទ្រព្យពី ៥,៦៧ ភាគរយដល់ ៧២,៣០ ភាគរយផងដែរ ដែលបានបង្កើនសមត្ថភាពស៊ើបអង្កេតរបស់នគរបាល និងការអនុវត្តជាក់ស្ដែង។
សន្ដិសុខអ៊ីនធឺណិតជាចំណុចស្នូល
លោក Fan Yuan ប្រធានក្រុមហ៊ុន Hangzhou Anheng Information Technology Co. Ltd បានប្រាប់ប្រព័ន្ធព័ត៌មានបណ្ដាញសង្គមប្រចាំថ្ងៃរបស់ប្រជាជនចិន (People's Daily Overseas Social Media) នៅក្រៅជំនួបនៃសន្និសីទនេះថា៖ «ខណៈដែលទីក្រុងវៃឆ្លាតជាច្រើនបង្កើនឥទ្ធិពលរបស់ខ្លួននៅទូទាំងប្រទេសនេះ វាមានសារៈសំខាន់យ៉ាងខ្លាំងក្នុងការដោះស្រាយហានិភ័យសន្ដិសុខអ៊ីនធឺណិត ដែលកើនឡើងជាមួយការសាងសង់ទីក្រុងវៃឆ្លាត។ ក្រៅពីខួរក្បាលទីក្រុងវៃឆ្លាត យើងត្រូវការខួរក្បាលទីក្រុងវៃឆ្លាត និងខួរក្បាលទីក្រុងសុវត្ថិភាព ជាមួយនឹងជំនួយពី AI កុំព្យូទ័រខ្លោដ បច្ចេកវិទ្យាព័ត៌មានវិទ្យា ទិន្នន័យធំ និងប្រព័ន្ធរូបិយប័ណ្ណឌីជីថល។
ដោយអំពាវនាវឲ្យសមភាគីទាំងអស់ត្រូវមានភាពច្នៃប្រឌិត និងមាននវានុវត្តន៍កាន់តែច្រើននៅក្នុងសេវាសន្ដិសុខអ៊ីនធឺណិត លោក Fan បានអត្ថាធិប្បាយថា សហគ្រាសឯកជនទទួលបន្ទុកសន្ដិសុខអ៊ីនធឺណិត កំពុងស្ថិតក្នុងពេលវេលាល្អបំផុតរបស់ខ្លួនសម្រាប់ការអភិវឌ្ឍនៅក្នុងប្រទេស ចិន ខណៈដែលប្រទេសនេះតាំងចិត្តយ៉ាងមុតមាំក្នុងការបង្កើនល្បឿនអំណាចការពារអ៊ីនធឺណិតរបស់ប្រទេស។
លោក Fan បានប្រកាសក្នុងសន្និសីទថា ក្រុមហ៊ុន Hang-zhou Anheng នៅពេលនេះមានកាមេរ៉ាថតឃ្លាំមើលពិសេស ដែលមានបន្ទះឈីបសន្ដិសុខបច្ចេកវិទ្យាព័ត៌មាន ដែលតាមការរាយការណ៍មិនត្រឹមតែអាចការពារកាមេរ៉ាមិនឲ្យមានការវាយប្រហារដោយការលួចចូលប៉ុណ្ណោះទេ ប៉ុន្តែថែមទាំងមានសមត្ថ-ភាពយល់ដឹងពីស្ថានភាពសន្ដិសុខរបស់ប្រព័ន្ធនេះទៀតផង។
ម៉្យាងវិញទៀត បុគ្គលិកមួយរូបនៅឯសន្និសីទនេះបានប្រាប់ក្រុមអ្នកយកព័ត៌មានថា ក្រុមហ៊ុន Dahua Technology ចាត់វិធានការបច្ចេកវិទ្យា និងការការពារយ៉ាងសកម្មក្នុងការការពារសន្ដិសុខទិន្នន័យ ដែលរួមទាំងការបង្ខំឲ្យក្រុមហ៊ុនដំឡើងប្រព័ន្ធឲ្យដំឡើងឧបករណ៍ជាមួយនឹងលេខកូដថ្មី និងលេខកូដពិបាក ដើម្បីកាត់បន្ថយការលួចចូលលើប្រព័ន្ធនេះ៕ People's Daily/LA
Subscribe to:
Post Comments
(
Atom
)
No comments :
Post a Comment