Monday, June 3, 2019
កូរ៉េខាងត្បូង និងចិន ព្រមព្រៀងជំរុញឲ្យមានចំណងទំនាក់ទំនងផ្នែកការពារជាតិជាយុទ្ធសាស្ត្រ
 |
| រដ្ឋមន្ត្រីការពារជាតិកូរ៉េខាងត្បូង លោក Jeong Kyeong-doo (ឆ្វេង) ចាប់ដៃជាមួយរដ្ឋមន្ត្រីការពារជាតិចិនលោកឧត្តមសេនីយ៍ Wei Fenghe។ Yonhap |
ក្រុងសិង្ហបុរីៈ ក្រសួងការពារជាតិនៃក្រុងសេអ៊ូល បានថ្លែងកាលពីថ្ងៃសៅរ៍ថា ប្រមុខការពារជាតិនៃប្រទេស កូរ៉េខាងត្បូង និងចិន បានឯកភាពគ្នា ដើម្បីជំរុញឲ្យមានវិធានការផ្សេងៗ នៅក្នុងនោះមានការបង្កើតលេខទូរស័ព្ទបន្ទាន់សម្រាប់យោធា ដើម្បីផ្តល់សេចក្តីទុកចិត្តគ្នាទៅវិញទៅមក និងការដោះដូរ និងសហប្រតិបត្តិការឲ្យកាន់តែស៊ីជម្រៅ។
រដ្ឋមន្ត្រីការពារជាតិកូរ៉េខាងត្បូង លោក Jeong Kyeong-doo និងរដ្ឋមន្ត្រីការពារជាតិចិន លោកឧត្តមសេនីយ៍ Wei Fenghe បានឈានដល់កិច្ចព្រមព្រៀងនៅក្នុងជំនួបមួយ បានរៀបចំធ្វើឡើងនៅក្រៅសង្វៀនជំនួបសន្តិសុខអាស៊ី ដែលត្រូវបានគេស្គាល់គ្រប់គ្នាថាជាជំនួបពិភាក្សា នៅ សណ្ឋាគារ Shangri-La Dialogue នៅប្រទេស សិង្ហបុរី។
យោងតាមក្រសួងការពារជាតិកូរ៉េខាងត្បូង បានឲ្យដឹងថា នៅអំឡុងពេលកិច្ចពិភាក្សានោះ រដ្ឋមន្ត្រីនៃប្រទេសទាំង ២ បានចែករំលែកតម្រូវការចាំបាច់ ដើម្បីជំរុញឲ្យមាន «ទំនាក់ទំនងជាយុទ្ធសាស្ត្រ» សម្រាប់សន្តិភាព និងស្ថិរភាពនៅក្នុងតំបន់ ខណៈដែលមានការព្រមព្រៀងថា ដែលតួនាទីស្ថាបនា របស់ចិន គឺមានសារៈសំខាន់ នៅក្នុងការឈានទៅដល់ការលុបបំបាត់នុយក្លេអ៊ែរ និងសន្តិភាពយូរអង្វែងនៅឧបទ្វីបកូរ៉េ៕ Yonhap/SK
Subscribe to:
Post Comments
(
Atom
)
No comments :
Post a Comment