Monday, June 3, 2019
ផ្ទុះរោងចក្រផលិតគ្រឿងផ្ទុះនៅរុស្ស៊ី បណ្តាលឲ្យមនុស្ស ៧៩ នាក់រងរបួស អគារជិត ២០០ ខ្នង ត្រូវបំផ្លាញ
រថយន្តសាមុយជាច្រើនគ្រឿង រង់ចាំដឹកក្រុមអ្នករងរបួសទៅមន្ទីរពេទ្យ។ AFP |
ក្រុងម៉ូស្គូៈ ក្រុមមន្ត្រីប្រចាំតំបន់ បានប្រាប់ទីភ្នាក់ងារសារព័ត៌មានរុស្ស៊ីថា ផ្ទុះរោងចក្រផលិតគ្រឿងផ្ទុះដ៏សំខាន់មួយកន្លែងនៅកណ្តាលក្រុងនៃប្រទេស រុស្ស៊ី កាលពីថ្ងៃសៅរ៍ បានបណ្តាលឲ្យមនុស្ស ៧៩ នាក់រងរបួស និងអគារជិត ២០០ ខ្នង នៅក្បែរនោះរងការខូចខាតទាំងស្រុង។
ការផ្ទុះនោះ បានកើតឡើងនៅរោងចក្រ «Kristall» នៅក្រុង Dzerzhinsk មានចម្ងាយប្រហែល ៤០០ គីឡូម៉ែត្រពីក្រុងម៉ូស្គូភាគខាងកើត នៅក្នុងតំបន់ Nizhny Novgorod នោះ។
មន្ត្រីក្រសួងសុខាភិបាលប្រចាំតំបន់ម្នាក់ ដកស្រង់ដោយទីភ្នាក់ងារព័ត៌មាន TASS ដោយបាននិយាយថា មនុស្សចំនួន ៧៩ នាក់ បានរងរបួសស្រាល។
នៅក្នុងសេចក្តីថ្លែងការណ៍ ក្រសួងសុខាភិបាល បាននិយាយថា៖ «យោងតាមព័ត៌មានចុងក្រោយ បានឲ្យដឹងថា មនុស្ស ៧៩ នាក់់ ត្រូវបានបញ្ជូនទៅកាន់មន្ទីរពេទ្យ ក្រោយពីការផ្ទុះនៅរោងចក្រ Kristall នោះ ដែលមានកម្មករ ៣៨ នាក់ និងអ្នកស្រុក ៤១ នាក់ មិនមានក្មេងនៅក្នុងចំណោមអ្នករងរបួសទាំងនោះទេ»។
ក្នុងសេចក្តីថ្លែងការណ៍នោះបានឲ្យដឹងទៀតថា អ្នករបួសត្រូវបានបញ្ជូនទៅមន្ទីរពេទ្យ ប៉ុន្តែរបួសមិនគំរាមកំហែងដល់ជីវិតទេ៕ AFP/SK
Subscribe to:
Post Comments
(
Atom
)
No comments :
Post a Comment