Monday, June 3, 2019
ត្រាំ បញ្ចេះអង់គ្លេសកុំបង់លុយឲ្យ EU ក្នុងកិច្ចព្រមព្រៀង Brexit
ក្រុងឡុងដ៍ៈ មុនពេលធ្វើដំណើរទៅអង់គ្លេសលោកប្រធានាធិបតីអាមេរិក ដូណាល់ ត្រាំ បានបញ្ចេះអង់គ្លេសឲ្យចាកចេញពីសហភាពអឺរ៉ុប (Brexit) ដោយមិនបាច់មានកិច្ចព្រមព្រៀង និងមិនបាច់បង់ប្រាក់ ៣៩ ពាន់ លានផោន (៥០ពាន់លានដុល្លារ) ពីការចាកចេញនេះទេ។
ការអត្ថាធិប្បាយដោយមេដឹកនាំដែលនិយាយមិនសំចៃមាត់របស់អាមេរិករូបនេះ បានធ្វើឡើង បន្ទាប់ពីលោកបានប្រាប់កាសែត The Sun ថា លោកបានគិតថា លោក Boris Johnson អតីតរដ្ឋមន្ដ្រីក្រសួងការបរទេស នឹងក្លាយជានាយករដ្ឋមន្ដ្រី «ដ៏អស្ចារ្យ» មួយរូប ដើម្បីទទួលតំណែងពីលោកស្រី ថេរ៉ាសា ម៉េ ដែលនឹងលាលែងពីតំណែងនៅថ្ងៃទី ៧ ខែមិថុនា បន្ទាប់ពីការបរាជ័យក្នុងការទទួលបានឯកសារចាកចេញពី EU របស់លោកស្រីតាមរយៈសភា។
លោក ត្រាំ នឹងចាប់ផ្ដើមដំណើរទស្សនកិច្ចផ្លូវរដ្ឋរយៈពេល ៣ ថ្ងៃ ទៅកាន់ចក្រភពអង់គ្លេសចាប់ពីថ្ងៃចន្ទ ក្នុងអំឡុងដែលលោកនឹងជួបម្ចាស់ក្សត្រី Queen Elizabeth II និងជួបជាមួយលោកស្រី ម៉េ។
នៅក្នុងបទសម្ភាសរបស់លោកជាមួយកាសែត The Sunday Times លោកបានជំរុញឲ្យរដ្ឋាភិបាលរបស់ចក្រភពអង់គ្លេស ត្រូវអនុវត្តតាមសៀវភៅគ្រប់គ្រងរបស់លោកក្នុងការចរចាកិច្ចព្រមព្រៀង នៅពេលប្រទេសនេះបានឈានដល់ការធ្វើ Brexit។
លោកថ្លែងថា៖ «ប្រសិនបើពួកគេមិនទទួលបានអ្វីដែលពួកគេចង់បាន ខ្ញុំនឹងដើរចេញ ប្រសិនបើអ្នកមិនទទួលបានកិច្ចព្រមព្រៀងដែលអ្នកចង់ ប្រសិនបើអ្នកមិនទទួលបានកិច្ចព្រមព្រៀងស្មើភាពមួយនៅពេលនោះអ្នកដើរចេញ»។
តាមច្បាប់ចាកចេញនេះ ការទទួលខុសត្រូវរបស់ចក្រភពអង់គ្លេស គឺត្រូវបង់ប្រាក់ដើម្បីចាកចេញពីប្លុកសេដ្ឋកិច្ច និងនយោបាយមួយ ។ លោក ត្រាំ បានប្រាប់កាសែតនេះថា៖ «ប្រសិនបើខ្ញុំជាពួកគេ ខ្ញុំនឹងមិនបង់ប្រាក់ ៥០ ពាន់លានដុល្លារនោះទេ។ នោះគឺជាខ្ញុំ។ ខ្ញុំនឹងមិនបង់ប្រាក់ ដែលមានចំនួនច្រើនបំផុតនោះទេ»។
ប្រធានាធិបតីអាមេរិក ដែលមានមោទនភាពពីឥទ្ធិពលផ្នែករំខានរបស់លោក លើនយោបាយនៅអាមេរិក និងបរទេស ក៏បានឲ្យដឹងថា លោក Nigel Farage ក៏ប្រឆាំងនឹង EU និងជាអ្នកនយោបាយប្រជានិយមរបស់ចក្រភពអង់គ្លេស ជាប្រធានគណបក្ស Brexit Party គួរចូលរួមក្នុងការចរចាការចាកចេញពីសហភាពអឺរ៉ុប។
លោក ត្រាំ បានថ្លែងថា៖ «លោក គឺជាមនុស្សវៃឆ្លាតបំផុតមួយរូប» ជាមួយនឹង «ការផ្ដល់ជូនជាច្រើន» ទោះបីជាលោកបានទទួលស្គាល់ថា អាជ្ញាធរចក្រភពអង់គ្លេស «នឹងមិនស្នើរូបលោកក៏ដោយ»៕ AFP/LA
Subscribe to:
Post Comments
(
Atom
)
No comments :
Post a Comment