Monday, June 3, 2019
ចិន ដំឡើងពន្ធលើទំនិញនាំចូលពីអាមេរិកតម្លៃ ៦០ ពាន់លានដុល្លារ
ប្រទេស ចិន កាលពីថ្ងៃសៅរ៍បានដំឡើងពន្ធលើទំនិញអាមេរិកតម្លៃ ៦០ ពាន់លានដុល្លារ ជាការសងសឹកនឹងអាមេរិចដែលបានដំឡើងពន្ធលើទំនិញចិនតម្លៃ ២០០ ពាន់លានដុល្លារ។ AFP |
ក្រុងប៉េកាំងៈ ប្រទេស ចិន កាលពីថ្ងៃសៅរ៍បានដំឡើងពន្ធលើទំនិញអាមេរិកតម្លៃរាប់ពាន់លានដុល្លារ ខណៈដែលប្រទេសនេះត្រៀមខ្លួនដាក់បង្ហាញបញ្ជីខ្មៅមួយដែលចុះឈ្មោះក្រុមហ៊ុនបរទេស «ដែលមិនអាចទុកចិត្តបាន» ដែលក្រុមអ្នកវិភាគនិយាយថាធ្វើឡើងក្នុងបំណងដាក់ទណ្ឌកម្មក្រុមហ៊ុនអាមេរិក និងបរទេសដែលកាត់ផ្តាច់ការផ្គត់ផ្គង់ដល់ក្រុមហ៊ុន Huawei។
វិធានការរបស់ទីក្រុងប៉េកាំងនេះបានវាយប្រហារទៅលើទំនិញរបស់អាមេរិកតម្លៃ ៦០ ពាន់លានដុល្លារ ជាមួយនឹងពន្ធទណ្ឌកម្មថ្មីនេះដែលត្រូវបានដកហូតលើទំនិញនានាក្នុងពីអត្រា ៥ ដល់ ២៥ ភាគរយ និងបានកើតមានឡើងជាការសងសឹកទៅនឹងទីក្រុងវ៉ាស៊ីនតោន ដែលបានដំឡើងពន្ធដល់ ២៥ ភាគរយ លើទំនិញចិនតម្លៃ ២០០ ពាន់លានដុល្លារ។
ទីក្រុងវ៉ាស៊ីនតោន និងទីក្រុងប៉េកាំងបានចាប់ផ្តើមសង្គ្រាមពាណិជ្ជកម្មរបស់ខ្លួនជាថ្មីកាលពីខែមុន នៅពេលដែលការចរចាពាណិជ្ជកម្មនៅសហរដ្ឋអាមេរិកបានបញ្ចប់ដោយគ្មានកិច្ចព្រមព្រៀងណាមួយ ដោយក្រុមអ្នកចរចាអាមេរិកបានចោទប្រកាន់ក្រុមអ្នកចរចាចិនថា បានខកខានមិនគោរពតាមការប្តេជ្ញាចិត្តកន្លងមក។
ប្រទេសទាំង ២ បានដកហូតពន្ធលើទំនិញទ្វេភាគីតម្លៃ ៣៦០ ពាន់លានដុល្លារ រហូតមកដល់ពេលនេះ។
សង្គ្រាមពន្ធសងសឹកទៅវិញទៅមកនេះ បានឡើងកម្តៅទៅមួយកម្រិតទៀត ដោយក្នុងរយៈពេលប៉ុន្មានសប្តាហ៍ថ្មីៗនេះ អាមេរិកបានដាក់ក្រុមហ៊ុនទូរគមនាគមន៍ចិន Huawei ទៅក្នុងបញ្ជីខ្មៅដោយលើកឡើងពីក្តីបារម្ភសន្តិសុខជាតិ ដែលធ្វើឲ្យប៉ះពាល់ដល់មហិច្ឆតាពិភពលោករបស់ក្រុមហ៊ុននេះ។
ក្រសួងពាណិជ្ជកម្មអាមេរិកកាលពីថ្ងៃទី ១៦ ខែឧសភា បានដាក់ក្រុមហ៊ុន Huawei ទៅក្នុង «បញ្ជីអង្គភាព» ដោយសារហេតុផលសន្តិសុខជាតិពោល គឺជាវិធានការមួយដែលទប់ស្កាត់ក្រុមហ៊ុននេះមិនឲ្យមានលទ្ធភាពទទួលបានគ្រឿងផ្គុំដែលផលិតនៅអាមេរិកដែលក្រុមហ៊ុនត្រូវការសម្រាប់ដំឡើងឧបករណ៍របស់ខ្លួន។
ដោយវាយប្រហារតបវិញ ក្រសួងពាណិជ្ជកម្មចិនឲ្យដឹងនៅថ្ងៃសុក្រថា ខ្លួននឹងចេញផ្សាយបញ្ជីផ្ទាល់របស់ខ្លួនមួយ ឈ្មោះថា «អង្គភាពដែលមិនទុកចិត្តបាន» ដែលរំលោភកិច្ចសន្យាពាណិជ្ជកម្ម និងបញ្ឈប់ការផ្គត់ផ្គង់ឲ្យក្រុមហ៊ុនចិន៕ AFP/KC
Subscribe to:
Post Comments
(
Atom
)
No comments :
Post a Comment