Monday, June 3, 2019
កសមុទ្រប្រែជាក្រហមឆ្អៅ ក្នុងថ្ងៃបុណ្យសត្ដឃាតបាឡែនរាប់រយក្បាល
 |
| ទឹកសមុទ្រក្រហមច្រាលក្នុងថ្ងៃប្រល័យជីវិតបាឡែន ៨០០ ក្បាល។ រូបថត AFP |
ក្រុងថូសន: បាឡែនគឺជាសត្វរងគ្រោះពីការប្រមាញ់ដែលក្រុមប្រជានេសាទបានពន្លះសាច់បាឡែនពីឡុត (Pilot Whale) ជាច្រើនក្បាលជាផ្នែកមួយនៃពិធីបុណ្យប្រពៃណីអាយុកាល ១ សតវត្សរ៍។
រូបភាពដ៏គួរឲ្យព្រឺព្រួចបានបង្ហាញពីហ្វូងបាឡែនដែលគ្មានអ្នកខ្វល់ពីសុខទុក្ខដេករដូករណែលលើឆ្នេរ ក្រោយពីត្រូវបានកាត់ និងអូសតាមដងឆ្នេរនៃទីក្រុងថូសន ប្រទេស ហ្វារ៉ូ អាយលែនស៍ ជារដ្ឋឯករាជ្យនៃរាជាណាចក្រដាណឺម៉ាក។
ការប្រមាញ់បាឡែនមានប្រពៃណី ១ សតវត្សរ៍លើប្រជុំកោះ ហើយអ្នកភូមិនាំគ្នាឈរមើលក្រុមប្រជានេសាទពន្លះសាច់ពួកវាកាលពីសប្ដាហ៍មុន។
បាឡែនពីឡុត រមែងហែលកាត់តំបន់ដាច់ស្រយាលនៃដែនកោះ មិនឆ្ងាយប៉ុន្មានពីប្រទេសអៀរឡង់មុនពេលប្រជានេសាទប្រមាញ់ដាក់ទូក។ បន្ទាប់មកពួកវាត្រូវបានទាញមកទឹករាក់ក្បែរឆ្នេរ ជាទីដែលពួកវាត្រូវបានពន្លះយកសាច់។
រូបភាពទាំងនេះបានបង្ហាញពីប្រជានេសាទដើរជុំវិញខ្មោចបាឡែន ខណៈពួកវាត្រូវបានទាញឡើងគោក។ បាឡែនពីឡុតជិត ១០ ម៉ឺនក្បាលបានហែលមកក្បែរប្រជុំកោះហ្វារ៉ូ អាយលែនស៍ រៀងរាល់ឆ្នាំ។
គេជឿថា បាឡែនប្រមាណ ៨០០ ក្បាលត្រូវបានសម្លាប់ក្នុងការប្រមាញ់ប្រចាំឆ្នាំ។ គ្រប់អ្នកប្រមាញ់ទាំងអស់សុទ្ធតែសុំអាជ្ញាប័ណ្ណត្រឹមត្រូវ។
អង្គការ Blue Planet Society បានរិះគន់ការធ្វើសត្ដឃាតនេះ និងបាននិយាយថាសត្វត្រូវបានសម្លាប់យ៉ាងសាហាវព្រៃផ្សៃ។
ប្រជុំកោះ ហ្វារ៉ូ ជាទឹកដីប្រទេសក្នុងសហភាពអឺរ៉ុប។ ទាំងបាឡែនពីឡុត និងដូហ្វីនខ្លួនពពាលត្រូវបានអភិរក្សនៅតំបន់អឺរ៉ុប៕ HR
Subscribe to:
Post Comments
(
Atom
)
No comments :
Post a Comment