ក្រុងបាងកកៈ លោកឧបនាយករដ្ឋមន្ត្រី Wissanu Krea-ngam បានថ្លែងកាលពីថ្ងៃសៅរ៍ថា បញ្ជីឈ្មោះសមាជិកព្រឹទ្ធសភាចំនួន ២៥០ រូប ទំនងជាត្រូវបានគេដាក់ជូនព្រះមហាក្សត្រអនុម័ត នៅថ្ងៃទី ១០ ខែ ឧសភា នៅក្នុងរយៈពេល ៣ ថ្ងៃ នៃលទ្ធផលឆ្នោតត្រូវបានប្រកាស។
លោក Wissanu Krea-ngam បានថ្លែងថា ក្រុមប្រឹក្សាជាតិ ដើម្បីសន្តិភាព និងសណ្តាប់ធ្នាប់ (NCPO) បានជ្រើសរើសឈ្មោះចំនួន ៥០ នាក់ ចេញពីបញ្ជីឈ្មោះបេក្ខជន ២០០ នាក់ ពីនីតិវិធីជ្រើសរើសក្រុមចម្រុះមួយ ហើយស្នើសុំពួកគេថា តើពួកគេនឹងទទួលយកការងារដែរ ឬយ៉ាងណា។
លោក Wissanu Krea-ng បានថ្លែងថា៖«បេក្ខជនខ្លះ បានបដិសេធមិនព្រមទទួលយក ហើយក្រុមប្រឹក្សាជាតិ ដើម្បីសន្តិភាព និងសណ្តាប់ធ្នាប់ (NCPO) កំពុងពិចារណាក្រុមបេក្ខជន ដែលមាននៅក្នុងបញ្ជីឈ្មោះ នោះរួចហើយ»។
លោក Wissanu Krea-ng បានថ្លែងថា ក្រុមអ្នកដែលយល់ព្រមចង់ក្លាយជាសមាជិកព្រឹទ្ធសភា ត្រូវតែបំពេញតាមតម្រូវការច្បាប់ និងរដ្ឋធម្មនុញ្ញ។ នៅក្នុងចំណោមតម្រូវការទាំងនោះ គោលការណ៍នានាទាក់ទង នឹងលក្ខណសម្បតិ្តរបស់សមាជិកព្រឹទ្ធសភា ដែលក្នុងនោះសមាជិកព្រឹទ្ធសភា មិនត្រូវមានភាគហ៊ុនផ្ទាល់ខ្លួននៅក្នុងក្រុមហ៊ុនផ្សព្វផ្សាយព័ត៌មាន ឬក្រុមហ៊ុននានាដែលត្រូវបានរដ្ឋផ្តល់សម្បទានឲ្យ។
លោក Wissanu Krea-ng បានថ្លែងថា ក្រុមប្រឹក្សាជាតិ ដើម្បីសន្តិភាព និងសណ្តាប់ធ្នាប់ បញ្ចប់ជ្រើសរើសឈ្មោះបេក្ខជនចំនួន ១៩៤ នាក់ ក្នុងចំណោមបេក្ខជនទាំងអស់ដែលបានស្នើសុំដោយគណៈកម្មាធិការ ពិសេសមួយ៕ BKP/SK
No comments :
Post a Comment