ក្រុងអូម៉ាហាៈ លោកមហាសេដ្ឋី Warren Buffett កាលពីថ្ងៃសៅរ៍បានបង្ហើបឲ្យដឹងខ្លះៗអំពីអ្នកដែលត្រូវស្នងតំណែងរបស់លោក ដើម្បីគ្រប់គ្រងក្រុមហ៊ុនអាណាចក្រ Berkshire Hathaway របស់លោក ប៉ុន្តែមិនបានបង្ហាញឲ្យដឹងទាំងស្រុងនោះទេ។
បុរសមានទ្រព្យសម្បត្តិច្រើនជាងគេបំផុតទី៣ របស់ពិភពលោករូបនេះក៏បានឲ្យដឹងនៅក្នុងកិច្ចប្រជុំភាគទុនិកប្រចាំឆ្នាំក្នុងក្រុមហ៊ុនរបស់លោកផងដែរថា ការវិនិយោគនៅពេលថ្មីៗរបស់ក្រុមហ៊ុនលើក្រុមហ៊ុន Amazon មិនមែនជាការផ្លាស់ប្តូរជាយុទ្ធសាស្ដ្រឆ្ពោះទៅរកការផ្ដោតការយកចិត្តទុកដាក់លើក្រុមហ៊ុននៅតំបន់ Silicon Valley ដែលក្រុមហ៊ុនភាគច្រើននៅតែបាត់ឈ្មោះពីផលបត្រវិនិយោគជាច្រើនរបស់ក្រុមហ៊ុន Berkshire។
លោក Buffett ដែលមានវ័យ ៨៨ ឆ្នាំរូបនេះត្រូវបានចោទសួរដោយសំណួរជាច្រើន អំពី ថា តើនរណានឹងទទួលតំណែងពីរូបលោក។
ដោយមិនបានឆ្លើយដោយផ្ទាល់ លោក Buffett បានឲ្យដឹងថា លោក Gregory Able អាយុ ៥៧ ឆ្នាំ និងលោក Ajit Jain អាយុ ៦៧ ឆ្នាំ ដែលទាំង ២ នាក់នេះត្រូវបានដំឡើងតំណែងឲ្យក្លាយជាក្រុមប្រឹក្សាភិបាលកាលពីឆ្នាំមុននោះ នឹងចូលរួមជាមួយរូបលោកនៅពេលអនាគតដ៏ខ្លី។
លោក Buffett ដែលជាវិនិយោគិនមួយរូបទទួលបានការកោតសរសើរដ៏ខ្លាំងនោះបានថ្លែងថា៖ «លោកអ្នកមិនអាចមានប្រធានគ្រប់គ្រងប្រតិបត្តិការ ២ នាក់ ល្អជាងលោក Greg និងលោក Ajit នោះទេ។ អ្វីដែលពួកគេសម្រេចបានមានភាពអស្ចារ្យ»។
លោក Abel បានចូលរួមក្នុងក្រុមហ៊ុននេះកាលពីឆ្នាំ ១៩៩២ ហើយបច្ចុប្បន្នគ្រប់គ្រងសកម្មភាពអាជីវកម្មមិនមែនធានារ៉ាប់រងទាំងអស់ ខណៈលោក Jain បានចូលរួមកាលពីឆ្នាំ ១៩៨៦ ដែលបច្ចុប្បន្នលោកនៅតែដឹកនាំស្ថាប័ននេះដដែល៕ AFP/LA
No comments :
Post a Comment