Thursday, May 30, 2019
ការវាយប្រហារគ្រាប់បែកនៅថៃភាគខាងត្បូង បណ្តាលឲ្យមនុស្ស ៣ នាក់ស្លាប់
 |
| ប៉ូលិសត្រួតពិនិត្យកន្លែងបំផ្ទុះគ្រាប់បែកនៅផ្សារមួយ ក្នុងខេត្តប៉ាតានី។ |
ខេត្តប៉ាតានីៈ អ្នកនាំពាក្យយោធាបានថ្លែងកាលពីថ្ងៃអង្គារថា មនុស្ស ២ នាក់ នៅក្នុងនោះមានក្មេងប្រុសម្នាក់អាយុ ១៤ ឆ្នាំ បានស្លាប់ នៅក្នុងការបំផ្ទុះគ្រាប់បែកនៅក្នុងផ្សារ ១ កន្លែង នៅប្រទេស ថៃភាគខាងត្បូង ដែលភាគច្រើនកាន់សាសនាមូស្លីម ជា ការវាយប្រហារសងសឹកចំពោះការសម្លាប់មេដឹកនាំឧទ្ទាមម្នាក់។
អំពើហិង្សាភាគច្រើនកើតនៅខេត្ត ៣ នៅភាគខាងត្បូងប្រទេស ថៃ ដូចជា យ៉ាឡា ប៉ាតានីនិងណារ៉ាធីវ៉ាត ចាប់តាំងពីឆ្នាំ ២០០៤ មក បានរងនូវការញាំញីដោយជម្លោះរវាងក្រុមឧទ្ទាមកុលសម្ព័ន្ធម៉ាឡេស៊ីមូស្លីម និងប្រជាជនថៃភាគច្រើនកាន់ព្រះពុទ្ធសាសនា ដែលបានដាក់បញ្ចូលជាឧបសម្ព័ន្ធរបស់ប្រទេស ថៃ អស់រយៈពេលមួយទសវត្សរ៍មកហើយ។
មនុស្សប្រហែល ៧ ពាន់នាក់ ភាគច្រើនជាជនស៊ីវិល បានស្លាប់នៅក្នុងអំពើហិង្សា ដែលកម្រមានការថ្កោលទោសពីអន្តរជាតិណាស់ ទោះបីជាការវាយប្រហារនោះ បានកើតឡើងក្នុងរយៈពេលតែ ២ ទៅ ៣ ម៉ោង នៅភាគខាងត្បូងតំបន់ទេសចរណ៍មួយចំនួនរបស់ប្រទេស ថៃ ក្តី។
នៅរសៀលថ្ងៃចន្ទក្រុមឧទ្ទាម បានបំផ្ទុះគ្រាប់បែកនៅក្នុងម៉ូតូមួយគ្រឿង នៅក្នុងផ្សារមួយកន្លែង ដែលពោរពេញទៅដោយហ្វូងមនុស្សយ៉ាងច្រើន នៅស្រុកណងចិកនៃខេត្តប៉ាតានី ដោយបណ្តាលឲ្យជនស៊ីវិល ២ នាក់ស្លាប់។
លោកវរសេនីយ៍ឯក Thanawee Suwannathat អ្នកនាំពាក្យយោធាប្រចាំនៅភាគខាងត្បូង បានថ្លែងប្រាប់ AFP ថា៖ «ក្មេងប្រុសអាយុ ១៤ ឆ្នាំ ម្នាក់ និងស្ត្រីមានវ័យ ៣៨ ឆ្នាំ ម្នាក់ បានស្លាប់នៅក្នុងការវាយប្រហារនោះ»។
យោធាយាមល្បាត ៤ នាក់ បានរងរបួសនៅក្នុងការបំផ្ទុះនោះដែរ។
ការបំផ្ទុះគ្រាប់បែកនោះ ទំនងជា «ការសងសឹក» ចំពោះការសម្លាប់របស់មេដឹកនាំឧទ្ទាមម្នាក់នៅក្នុងខេត្តយ៉ាឡាជិតខាងនោះ៕ AFP/SK
Subscribe to:
Post Comments
(
Atom
)
No comments :
Post a Comment