Thursday, May 30, 2019
ម៉ាឡេស៊ីគ្រោងនឹងបញ្ជូនសំរាមប្លាស្ទិករាប់រយលានតោន ទៅកាន់ប្រទេសដើមវិញ
 |
| លោកស្រីរដ្ឋមន្ត្រីថាមពល Yeo Bee Yin (កណ្តាល) បង្ហាញគំរូសំរាម ប្លាស្ទិកដឹកមកពីប្រទេស អូស្ត្រាលី មុននឹងបញ្ជូនត្រឡប់ទៅវិញ។ |
ក្រុងគូឡាឡាំពួៈ រដ្ឋាភិបាលម៉ាឡេស៊ី បានថ្លែងកាលពីថ្ងៃអង្គារថា សំរាមប្លាស្ទិករាប់រយតោនដែលបាននាំចូលមក នឹងត្រូវដឹកជញ្ជូនត្រឡប់ទៅកាន់កន្លែងដើមវិញ ដោយបានបញ្ជាក់អះអាងថា ប្រទេសនេះមិនចង់ក្លាយជាកន្លែងចាក់សំរាមរបស់ពិភពលោកទេ។
យោងតាមមូលនិធិសកលលោកសម្រាប់ធម្មជាតិ (WWF) បានឲ្យដឹងថា ប្លាស្ទិកប្រហែល ៣០០ រយលានតោន ត្រូវបានគេផលិតជារៀងរាល់ឆ្នាំ ដោយមានសំរាមនៅពាសពេញដី ឬធ្វើឲ្យកខ្វក់នៅក្នុងសមុទ្រ ដែលបានក្លាយទៅជាវិបត្តិអន្តរជាតិកាន់តែខ្លាំងឡើងនោះ។
កាលពីពេលកន្លងទៅ ប្រទេស ចិន បានប្រមូលយកសំរាមយ៉ាងច្រើនដើម្បីធ្វើការកែច្នៃឲ្យទៅជារបស់ប្រើប្រាស់ ប៉ុន្តែភ្លាមៗនោះ ក៏បានឈប់ទៅវិញកាលពីឆ្នាំ ២០១៨ ដោយនិយាយថា ប្រទេស ចិន ចង់ធ្វើឲ្យបរិស្ថាន របស់ប្រទេសខ្លួនបានល្អប្រសើរឡើងវិញ។
បច្ចុប្បន្ន នៅបណ្តាប្រទេសអាស៊ីអាគ្នេយ៍ ដែលបានស្វែងរកដំណោះស្រាយ ដើម្បីកែច្នៃសំរាមនេះឲ្យទៅជារបស់មានប្រយោជន៍ដែលគេនិយាយថា វាដល់ពេលត្រូវរួមគ្នាដោះស្រាយបញ្ហានេះហើយ។
លោកស្រី Yeo Bee Yin ជារដ្ឋមន្ត្រីថាមពល បច្ចេកវិទ្យា វិទ្យាសាស្ត្រ បរិស្ថាន និងប្រែប្រួលអាកាសធាតុរបស់ប្រទេស ម៉ាឡេស៊ី បានថ្លែងថា៖ «យើងបានជំរុញឲ្យបណ្តាប្រទេសមួយចំនួនបញ្ឈប់ធ្វើការដឹកជញ្ជូនសំរាមមកកាន់ប្រទេសយើងទៀត» ដោយបន្ថែមថា «វាមិនយុត្តិធម៌ និងគ្មានសុជីវធម៌»។
លោកស្រី Yin បានថ្លែងថា៖ «យើងនឹងបញ្ជូនសំរាមទាំងនោះ ត្រឡប់ទៅប្រទេសដើមវិញ»៕ AFP/SK
Subscribe to:
Post Comments
(
Atom
)
No comments :
Post a Comment