Thursday, May 30, 2019
DBS: សេដ្ឋកិច្ចរបស់វៀតណាម នឹងវ៉ាសិង្ហបុរីក្នុងនៅរយៈពេល ១០ ឆ្នាំ
 |
| អតិថិជនកំពុងឈរដកប្រាក់ចេញពីទូរ ATM របស់ធនាគារ DBS ស្ថិតក្នុងប្រទេស សាំងហ្គារពួរ។ |
ហាណូយៈ ធនាគារ DBS បានឲ្យដឹងថា សេដ្ឋកិច្ចរបស់វៀតណាមអាចនឹងមានទំហំធំជាងសិង្ហបុរីនៅឆ្នាំ ២០២៩។ នេះបើយោងតាមការព្យាករដែលបានលើកឡើងពីលំហូរចូលការវិនិយោគបរទេស និងកំណើនផលិតភាពដ៏រឹងមាំក្នុងរយៈពេលប៉ុន្មានឆ្នាំខាងមុខនេះថា ប្រទេស វៀតណាម អាចនឹងរីកចម្រើនក្នុងល្បឿនប្រហែលជា ៦ ភាគរយទៅ ៦,៥ ភាគរយក្នុងរយៈពេល ១ ទសវត្សរ៍ក្រោយ ។
យោងតាម Bloomberg លោក Irvin Seah សេដ្ឋវិទូនៅប្រទេស សិង្ហបុរី បានឲ្យដឹងនៅក្នុងរបាយការណ៍ស្រាវជ្រាវមួយកាលពីថ្ងៃអង្គារថា៖ «ប្រសិនបើប្រទេសនេះអាចរក្សាល្បឿនកំណើនសេដ្ឋកិច្ចបាន សេដ្ឋកិច្ចវៀតណាម នឹងធំជាងទំហំសេដ្ឋកិច្ចរបស់ប្រទេស សិង្ហបុរី ក្នុងរយៈពេល ១០ ឆ្នាំ ខាងមុខ»។
លោក Seah បន្តថា រដ្ឋាភិបាលរបស់វៀតណាម រំពឹងថា ផលិតផលក្នុងស្រុកសរុបនឹងកើនឡើងយ៉ាងហោចណាស់ ៦,៨ ភាគរយនៅក្នុងឆ្នាំនេះ ។ កំណើនសេដ្ឋកិច្ចនៅពេលអនាគតនឹងត្រូវបានជំរុញដោយសារតែលក្ខណៈសកម្មរបស់ប្រជាសាស្ដ្រអនុគ្រោះរបស់ប្រទេសនេះ កម្លាំងពលកម្មប្រកបដោយផ្លែផ្កា ហេដ្ឋារចនាសម្ព័ន្ធរីកចម្រើនខ្លាំង និងស្ថិរភាពនយោបាយជំរុញឲ្យមានលំហូរចូលអន្តរជាតិ។
លោកបន្តថា៖ « FDI ដ៏រឹងមាំមកពីប្រទេស ចិន និងហុងកុង នៅរយៈពេល ៤ ខែដំបូងនៃឆ្នាំនេះ អាចបង្ហាញយ៉ាងប្រសើរចំពោះការចាប់ផ្ដើមនិន្នាការថ្មីមួយ»។
វៀតណាមជាប្រភពដែលរីកចម្រើនរហ័សបំផុតនៃការនាំចូលរបស់អាមេរិកពីអាស៊ី កាលពីត្រីមាសមុន និងអាចវ៉ាដាច់ចក្រភពអង់គ្លេសជាប្រទេសផ្គត់ផ្គង់ធំជាងគេទៅអាមេរិក បើប្រទេសនេះរក្សាល្បឿននោះ។
ទិន្នន័យការិយាល័យជំរឿនរបស់អាមេរិកចុងក្រោយបំផុតបង្ហាញថា ការនាំចូលរបស់ខ្លួនពីវៀតណាម បានកើនឡើង ៤០,២ ភាគរយ នៅរយៈពេល ៣ ខែដំបូងឆ្នាំ ២០១៩ ធៀបនឹងឆ្នាំ ២០១៨ ខណៈការបញ្ជាទិញពីប្រទេស កូរ៉េខាងត្បូង បានកើនឡើង ១៨,៤ ភាគរយ។ ជាមួយគ្នានេះដែរ ការនាំចូលទំនិញពីប្រទេស ចិន របស់អាមេរិក បានធ្លាក់ចុះ ១៣,៩ ភាគរយ ដោយសារតែភាពតានតឹងផ្នែកពាណិជ្ជកម្មបានឡើងកម្ដៅ ។
ប្រសិនបើល្បឿនកំណើនសេដ្ឋកិច្ចរបស់វៀតណាមអាចមានស្ថិរភាពរយៈពេលពេញ ១ ឆ្នាំ ដែលនឹងជាសមិទ្ធផលដ៏សំខាន់មួយ ប្រទេសនេះអាចវ៉ាដាច់ប្រទេស អ៊ីតាលី បារាំង ចក្រភពអង់គ្លេស និងប្រទេស ឥណ្ឌា នៅក្នុងចំណាត់ថ្នាក់ជាប្រទេសនាំចេញឈានមុខគេទៅអាមេរិក៕ LA
Subscribe to:
Post Comments
(
Atom
)
No comments :
Post a Comment