Tuesday, May 7, 2019
អាស៊ីអាគ្នេយ៍ មានសម្ទុះទូទាត់តាមឧបករណ៍ចល័តខ្លាំង
រូបថតបង្ហាញពីការទូទាត់តាមទូរស័ព្ទដៃតាមរយៈការស្គែនកម្មវិធីក្នុងទូរស័ព្ទដៃ។ AFP
ក្រុងបាងកកៈ តំបន់អាស៊ីអាគ្នេយ៍បាននាំមុខគេខាងផ្នែកការផ្លាស់ប្តូររបស់អតិថិជនងាកទៅរកការទូទាត់ការចំណាយតាមឧបករណ៍អេឡិចត្រូនិកចល័ត (ការទូទាត់តាមឧបករណ៍ចល័ត) ក្នុងហាងទំនិញ។ នេះបើយោងតាមរបាយការណ៍នៃការអង្កេតអ្នកប្រើប្រាស់ពិភពលោកឆ្នាំ ២០១៩។
របាយការណ៍ដែលធ្វើឡើងដោយក្រុមហ៊ុន PwC ដែលអង្កេតលើអ្នកឆ្លើយតបជាង ២១ ពាន់នាក់ មកពីប្រទេស និងដែនដីចំនួន ២៧ ក្នុងពិភពលោក បានបង្ហាញថា ក្នុងចំណោមប្រទេស និងដែនដីដែលមានអតិថិជនទូទាត់តាមឧបករណ៍ចល័តក្នុងហាងទំនិញច្រើនជាងគេទាំង ១០ (Top 10) មានប្រទេសមកពីតំបន់អាស៊ីអាគ្នេយ៍ចំនួន ៦។
ប្រទេសទាំង ១០ នេះរួមមាន ប្រទេស ចិន ដែលមានអតិថិជនទូទាត់តាមឧបករណ៍ចល័តនៅក្នុងហាងទំនិញច្រើនជាងគេ (៨៦ ភាគរយ នៃអតិថិជនសរុប) បន្ទាប់មកគឺប្រទេស ថៃ (៦៧ ភាគរយ) ទីក្រុងហុងកុង (៦៤ ភាគរយ) វៀតណាម (៦១ ភាគរយ) ឥណ្ឌូនេស៊ី (៤៧ ភាគរយ) សិង្ហបុរី (៤៦ ភាគរយ) តំបន់មជ្ឈិមបូព៌ា (៤៥ ភាគរយ) ហ្វីលីពីន (៤៥ ភាគរយ) រុស្ស៊ី (៤៥ ភាគរយ) និងម៉ាឡេស៊ី (៤០ ភាគរយ)។
បើគិតពីកំណើនវិញ ចំនួនអ្នកធ្វើការទូទាត់តាមឧបករណ៍ចល័តនៅប្រទេស វៀតណាម បានកើនឡើងខ្លាំងជាងគេ ពោលគឺ ២៤ ភាគរយពី ៣៧ ភាគរយនៅឆ្នាំ ២០១៨ ដល់ ៦១ ភាគរយនៅឆ្នាំ ២០១៩ បន្ទាប់មកគឺទីក្រុងហុងកុង ដែលមានកំណើន ២២ ភាគរយពី ៤២ ភាគរយដល់ ៦៤ ភាគរយ ខណៈដែលមជ្ឈិមបូព៌ាទទួលបានកំណើនខ្ពស់ទី៣ ដែលកើនឡើងពី ២៥ ភាគរយដល់ ៤៥ ភាគរយ។
សម្រាប់ប្រទេសផ្សេងទៀតនៅអាស៊ីអាគ្នេយ៍ កំណើនទូទាត់តាមឧបករណ៍ចល័តនៅប្រទេស ថៃ បានកើនឡើង ១៩ ភាគរយ ម៉ាឡេស៊ី ១៩ ភាគរយ ហ្វីលីពីន ១៤ ភាគរយ សិង្ហបុរី ១២ ភាគរយ និងឥណ្ឌូនេស៊ី ៩ ភាគរយ។
បើគិតតែក្នុងតំបន់អាស៊ីអាគេ្នយ៍វិញ ប្រទេស ថៃ ទទួលបានកំណើនខ្ពស់ខ្លាំងទី២ សម្រាប់ការទូទាត់តាមឧបករណ៍អេឡិចត្រូនិកចល័ត (mobile payment) បន្ទាប់ពីប្រទេស វៀតណាម។
បើគិតតែក្នុងតំបន់អាស៊ីអាគេ្នយ៍វិញ ប្រទេស ថៃ ទទួលបានកំណើនខ្ពស់ខ្លាំងទី២ សម្រាប់ការទូទាត់តាមឧបករណ៍អេឡិចត្រូនិកចល័ត (mobile payment) បន្ទាប់ពីប្រទេស វៀតណាម។
កាសែតបាងកកប៉ុស្តិ៍បានរាយការណ៍ដោយដកស្រង់សម្ដីរបស់លោកស្រី Vilaiporn Taweelappontong ដៃគូផ្តល់ប្រឹក្សាឈានមុខប្រចាំក្រុមហ៊ុន PwC Thailand ខណៈថ្លែងថា វាមិនចម្លែកទេដែលប្រទេស ថៃ គឺជាប្រទេសមួយក្នុងចំណោមប្រទេសដែលឈានមុខគេទាក់ទងនឹងកំណើនដ៏លឿននៃការទូទាត់តាមឧបករណ៍ចល័តក្នុងតំបន់អាស៊ីអាគ្នេយ៍នោះ។
ហេតុផលសម្រាប់ការទទួលបានកំណើនខ្ពស់នេះ រួមមានការកើនឡើងការប្រើប្រាស់ពាណិជ្ជកម្មអេឡិចត្រូនិករបស់ប្រជាជនថៃក្នុងការទិញទំនិញ ព្រមទាំងឋានៈរបស់ប្រទេស ថៃ ក្នុងនាមជាទីផ្សារមួយនៃទីផ្សារបណ្តាញសង្គមធំជាងគេក្នុងពិភពលោក។
កត្តានេះបានលើកកម្ពស់ទាំងការលក់រាយខ្នាតធំ និងខ្នាតតូច ដើម្បីទាញយកប្រយោជន៍ពីការទិញទំនិញតាមអនឡាញ ដោយប្រកួតប្រជែងគ្នាតាមរយៈការប្រូម៉ូសិន និងការលក់ចុះភាគរយ។
ធនាគារថៃជាច្រើនបានបោះបង់ចោលកម្រៃសេវាប្រតិបត្តិការឌីជីថល ដែលជួយជំរុញកំណើនការទូទាត់អនឡាញ។
លោក Shirish Jain នាយកផ្នែកការទូទាត់នៃក្រុមហ៊ុន PwC Strategy បានប្រាប់កាសែតបាងកកប៉ុស្តិ៍ថា ទ្វីបអាស៊ីនៅតែជាតំបន់ខ្លាំងមួយដែលឈានមុខគេខាងផ្នែកការផ្លាស់ប្តូររបស់អតិថិជនឆ្ពោះទៅរកការទូទាត់តាមឧបករណ៍ចល័ត ដោយប្រទេសអាស៊ីចំនួន ៨ ស្ថិតក្នុងចំណាត់ថ្នាក់កំពូលទាំង ១០ ដែលក្នុងនោះ ប្រទេសចំនួន ៦ មកពីអាស៊ីអាគ្នេយ៍។
វៀតណាមដែលមានកំណើនទាបកាលពីឆ្នាំ ២០១៨ បានទទួលកំណើនខ្ពស់បំផុត ខណៈដែលការទូទាត់តាមឧបករណ៍ចល័តបង្ហាញពីកើនឡើងសារៈសំខាន់នៃភាពងាយស្រួលជាមធ្យោបាយធ្វើពាណិជ្ជកម្មតាមបែបប្រពៃណី៕ KC
Subscribe to:
Post Comments
(
Atom
)
No comments :
Post a Comment