ក្រុងឈិនឌូ: ក្រោយកិច្ចខិតខំប្រឹងប្រែងជួសជុល ព្រះពុទ្ធបដិមាកម្ពស់ ៧១ ម៉ែត្រក្នុងខេត្ដស៊ីឈួន ត្រូវបានបើកទ្វារស្វាគមន៍ភ្ញៀវទេសចរឡើងវិញនៅថ្ងៃទី ១ ខែមេសា ក្រោយពីបិទកែលម្អអស់រយៈពេល ៦ ខែ។
ការជួសជុលដ៏សម្បើមនៃព្រះពុទ្ធបដិមាយក្សឡេសាន (Leshan Giant Buddha) បេតិកភណ្ឌពិភពលោកជិតរួចរាល់ហើយ ហើយគេរំពឹងថាតំបន់ប្រវត្ដិសាស្ដ្របានស្វាគមន៍ភ្ញៀវទេសចរឡើងវិញ។
ការត្រួតពិនិត្យលើតួបដិមា និងការជួសជុលចម្លាក់ព្រះពុទ្ធថ្មធំបំផុតក្នុងលោក ស្ថិតក្នុងខេត្ដស៊ីឈួនភាគនិរតីប្រទេសចិនចាប់ផ្ដើមកាលពីថ្ងៃទី ៨ ខែសីហា ឆ្នាំ ២០១៨។
ការជួសជុលភាគច្រើនផ្ដោតលើស្នាមប្រេះ និងរបេះត្រង់ចំណុចជួសជុលកន្លងមកលើដើមទ្រូង ពោះ ក និងកញ្ចុំសក់។ អំឡុងពេលជួសជុល ឧបករណ៍ចំនួន៤ ត្រូវបានបំពាក់ដើម្បីវាស់ស្ទង់សីតុណ្ហភាព សំណើម ការជាំទឹក និងប៉ះសម្ភារជួសជុលចាស់ៗ ដើម្បីជាជំនួយផ្នែកបច្ចេកទេសសម្រាប់ជាកិច្ចការពារនាពេលខាងមុខ។ នេះបើយោងតាមវិស្វករអភិរក្សវត្ថុបុរាណវប្បធម៌ ស៊ុន បូ។
របាយការណ៍ស្ដីពីស្ថានភាពបដិមាព្រះពុទ្ធនឹងត្រូវបានចេញផ្សាយនៅពាក់កណ្ដាលខែមេសានេះផងដែរ។
ជាមួយប្រវត្ដិកកើត ១៣០០ ឆ្នាំចម្លាក់ព្រះបដិមាត្រូវបានឆ្លាក់ចេញពីថ្មភ្នំកំបោរពណ៌ក្រហមដែលមានសភាពទន់ និងពិបាកអភិរក្ស។
ព្រះពុទ្ធបដិមាដែលចូលក្នុងបេតិកភណ្ឌយូណេស្កូតាំងពីឆ្នាំ ១៩៩៦ នេះត្រូវបានជួសជុល ៩ លើកហើយតាំងពីឆ្នាំ ១៩៤៩៕ HR
By www.postkhmer.com
By www.postkhmer.com
No comments :
Post a Comment