Thursday, May 23, 2019
ក្រុមហ៊ុនទូរស័ព្ទចល័តធំ ២ របស់ជប៉ុនផ្អាកការចេញលក់ Hu
 |
| អ្នកដំណើរកំពុងដើរកាត់មុខហាងលក់របស់ក្រុមហ៊ុន Softbank ក្នុងទីក្រុងតូក្យូកាលពីឆ្នាំទៅ។ |
តូក្យូៈ ក្រុមហ៊ុនទូរស័ព្ទចល័តឈានមុខគេ ២ របស់ប្រទេស ជប៉ុន កាលពីថ្ងៃពុធ បានឲ្យដឹងថា ពួកគេនឹងពន្យារពេលការចេញលក់ទូរស័ព្ទថ្មីដែលផលិតដោយក្រុមហ៊ុន Huawei បន្ទាប់ពីអាមេរិកហាមឃាត់ក្រុមហ៊ុនខ្លួនមិនឲ្យលក់បច្ចេកវិទ្យាឲ្យក្រុមហ៊ុនបច្ចេកវិទ្យាឈានមុខគេរបស់ប្រទេស ចិន មួយនេះ។
KDDI ជាក្រុមហ៊ុនលំដាប់លេខ ២ និង SoftBank Corp ជាក្រុមហ៊ុនលំដាប់លេខ ៣ របស់ប្រទេស ជប៉ុន បានឲ្យដឹងថា ការសម្រេចចិត្តនេះត្រូវផ្ដល់ពេលវេលាដល់ពួកគេ ក្នុងការវាយតម្លៃផលប៉ះពាល់ដោយសារការហាមឃាត់របស់អាមេរិកនេះ។ NTT Docomo ជាក្រុមហ៊ុនធំជាងគេរបស់ប្រទេស ជប៉ុន បានឲ្យដឹងថា ខ្លួនក៏កំពុងធ្វើការពិចារណាវិធានការស្រដៀងគ្នាផងដែរ។
លោក Hiroyuki Mizukami អ្នកនាំពាក្យក្រុមហ៊ុនបានប្រាប់ទីភ្នាក់ងារព័ត៌មាន AFP ថា ក្រុមហ៊ុន SoftBank គ្រោងនឹងចេញលក់ទូរស័ព្ទស្មាតហ្វូនរបស់ក្រុមហ៊ុន Huawei នៅថ្ងៃសុក្រ ប៉ុន្តែបានផ្អាកការចេញលក់នេះ «ដោយសារបច្ចុប្បន្នយើងកំពុងព្យាយាមក្នុងការបញ្ជាក់ថា តើអតិថិជនរបស់យើងនឹងអាចប្រើប្រាស់ឧបករណ៍នេះដោយអារម្មណ៍សុវត្ថិភាព ឬអត់»។
លោកថ្លែងថា៖ «យើងនៅតែមិនដឹងថា នៅពេលណា យើងនឹងអាចចាប់ផ្ដើមការលក់»។ លោកបន្ថែមថា ក្រុមហ៊ុនរបស់ប្រទេស ជប៉ុន មួយនេះ បារម្ភអំពី «អ្វីៗគ្រប់យ៉ាង» ដែលជាប់ទាក់ទងនឹងការហាមឃាត់របស់អាមេរិក។
ការលើកឡើងពីសន្ដិសុខជាតិ លោកប្រធានាធិបតីអាមេរិក ដូណាល់ ត្រាំ បានហាមឃាត់ប្រកបដោយប្រសិទ្ធភាពលើក្រុមហ៊ុនអាមេរិក មិនឲ្យផ្គត់ផ្គង់ក្រុមហ៊ុន Huawei និងក្រុមហ៊ុនបុត្រសម្ព័ន្ធ ជាមួយនឹងគ្រឿងផ្គុំសំខាន់ៗ ដែលបានជួយឲ្យក្រុមហ៊ុននេះរីកចម្រើនក្លាយជាក្រុមហ៊ុនផ្គត់ផ្គង់ឈានមុខគេ នៃឧបករណ៍បណ្ដាញទូរគមនាគមន៍ និងជាក្រុមហ៊ុនផលិតទូរស័ព្ទស្មាតហ្វូនធំជាងគេទី២ របស់ពិភពលោក។
ប៉ុន្តែមន្ដ្រីអាមេរិកនៅសប្ដាហ៍នេះ បានចេញការពន្យារពេល ៩០ ថ្ងៃ លើការហាមឃាត់នេះ ដើម្បីដោះស្រាយជាមួយក្រុមហ៊ុន Huawei ដោយលើកឡើងពីឱកាសក្នុងការធ្វើការងារចាំបាច់ ដើម្បីគេចផុតពីការរំខានដ៏ធំ។
KDDI ជាក្រុមហ៊ុនរបស់ប្រទេស ជប៉ុន បានឲ្យដឹងថា ការចេញលក់ទូរស័ព្ទ HUAWEI P30 litePremium របស់ខ្លួនដែលបានគ្រោងធ្វើឡើងនៅខែឧសភានឹងត្រូវពន្យារពេលផងដែរ ដោយលោកស្រី Reiko Nakamura អ្នកនាំពាក្យបានលើកឡើងថា៖ «យើងកំពុងត្រួតពិនិត្យការពិតលើរបៀប (ការសម្រេចចិត្តរបស់អាមេរិក) ត្រូវបានធ្វើឡើង និងផលប៉ះពាល់របស់ខ្លួន»។
លោក Takahiro Suzuki អ្នកនាំពាក្យក្រុមហ៊ុន NTT Docomo បានប្រាប់ទីភ្នាក់ងារព័ត៌មានថា ក្រុមហ៊ុននេះ «កំពុងសិក្សាលទ្ធភាពនៃការបញ្ឈប់ការទទួលការបញ្ជាទិញការលក់ទូរស័ព្ទ HUAWEI P30 Pro ដែលយើងកំពុងគ្រោងនឹងចេញលក់នៅរដូវក្ដៅនេះ»។
កាលពីសប្ដាហ៍មុន លោក ត្រាំ បានប្រកាស «ភាពអាសន្នជាតិ» ដែលផ្ដល់អំណាចដល់លោក ក្នុងការដាក់ក្រុមហ៊ុនខ្លះទៅក្នុងបញ្ជីខ្មៅ ដែលត្រូវបានគេមើលឃើញថា ជា«ហានិភ័យដែលមិនអាចទទួលយកបានចំពោះសន្ដិសុខជាតិ របស់អាមេរិក» ជាវិធានការមួយដែលក្រុមហ៊ុនអ្នកវិភាគបានឲ្យដឹងថា ច្បាស់ណាស់សំដៅលើក្រុមហ៊ុន Huawei។
ក្រសួងពាណិជ្ជកម្មអាមេរិក បានប្រកាសការហាមឃាត់ប្រកបដោយប្រសិទ្ធភាពមួយលើក្រុមហ៊ុនអាមេរិក មិនឲ្យលក់ ឬផ្ទេរបច្ចេកវិទ្យាអាមេរិកឲ្យក្រុមហ៊ុន Huawei៕ AFP/LA
Subscribe to:
Post Comments
(
Atom
)
No comments :
Post a Comment