Tuesday, June 4, 2019
អាជីវកម្មអាកាសចរណ៍របស់ក្រុមហ៊ុន Huawei មិនរងផលប៉ះពាល់
 |
| វិធានការរបស់សហរដ្ឋអាមេរិកប្រឆាំងនឹងក្រុមហ៊ុនបច្ចេកវិទ្យា Huawei ដ៏ធំរបស់ប្រទេស ចិន «មិនមានឥទ្ធិពល» លើអាជីវកម្មអាកាសចរណ៍របស់ក្រុមហ៊ុននេះឡើយ។ AFP |
ក្រុងសេអ៊ូលៈ វិធានការរបស់សហរដ្ឋអាមេរិកប្រឆាំងនឹងក្រុមហ៊ុនបច្ចេកវិទ្យា Huawei ដ៏ធំរបស់ប្រទេស ចិន «មិនមានឥទ្ធិពល» លើអាជីវកម្មអាកាសចរណ៍របស់ក្រុមហ៊ុននេះឡើយ បើទោះជាប្រទេសមួយចំនួនចាត់វិធានការប្លុកសេវាកម្មឧបករណ៍ចល័តរបស់ខ្លួនក្តី។ នេះបើយោងតាមមន្ត្រីប្រតិបត្តិជាន់ខ្ពស់របស់ក្រុមហ៊ុនកាលពីថ្ងៃចន្ទ។
ក្រុមហ៊ុន Huawei បានជាប់ក្នុងជម្លោះពាណិជ្ជកម្មដែលកំពុងឡើងកម្តៅរវាងសហរដ្ឋអាមេរិក និងប្រទេស ចិន ដោយលោកប្រធានាធិបតីអាមេរិក ដូណាល់ ត្រាំ បានចាត់វិធានការដាក់បញ្ចូលក្រុមហ៊ុននេះទៅក្នុងបញ្ជីខ្មៅដោយសារក្តីបារម្ភផ្នែកសន្តិសុខជាតិ។
ប៉ុន្តែលោក Eman Liu ប្រធានផ្នែកអាជីវកម្មដឹកជញ្ជូនពិភពលោករបស់ក្រុមហ៊ុន Huawei ថ្លែងថា អាជីវកម្មអាកាសចរណ៍របស់ក្រុមហ៊ុនមិនមានផលប៉ះពាល់ទេមកដល់ពេលនេះ។
ក្រុមហ៊ុន Huawei ផ្តល់ដំណោះស្រាយផ្នែកបច្ចេកវិទ្យាព័ត៌មាន និងទូរគមនាគមន៍ដល់ព្រលានយន្តហោះជាង ៥០ កន្លែង និងក្រុមហ៊ុនអាកាសចរណ៍ចំនួន ១៥ នៅជុំវិញពិភពលោក រួមទាំងព្រលានយន្តហោះក្រុងឌូបៃ និងព្រលាន Changi Airport Group ក្នុងប្រទេស សិង្ហបុរី ផងដែរ។
សេវារបស់ Huawei រួមមានវីដេអូសុវត្ថិភាព និងប្រព័ន្ធខ្លោដនៅព្រលានយន្តហោះ សេវាអ៊ីនធឺណិតឥតខ្សែ (wifi) និងកុំព្យូទ័រមេស្តុកទិន្នន័យ។
លោក Liu បានមានប្រសាសន៍ថា៖ «រហូតមកដល់ពេលនេះ មិនមានផលប៉ះពាល់ទេ»៕ AFP/KC
Subscribe to:
Post Comments
(
Atom
)
No comments :
Post a Comment